«Bunlar mənim bığıma baxırlar, əlimə yox»
Vaqif Mustafazadə
17.03.2010
Martın 17-də AzadlıqRadiosunun «Can Bakı» proqramında «Vaqif Mustafazadə necə Bakının simvoluna çevrildi?» mövzusunu müzakirə etdik. Qonağımız Vaqif Mustafazadə mənzil muzeyinin direktoru Afaq Əliyeva oldu.
Afaq Əliyeva dünən ölkənin Baş Sarayında təşkil olunun yubiley tədbirinin yüksək səviyyədə keçdiyini söylədi və təşkilatçılara minnətdarlığını çatdırdı. Medianın bu yubileylə bağlı diqqətli münasibətini qiymətləndirdiyini bildirdi. «Həmişə Vaqifin xatirə günlərində mənim yanımda olublar» dedi.
Afaq xanım Vaqifin dayısı qızı olduğunu, lap uşaqlıqdan Vaqifgildə, anası Zivər xanımın yanında böyüdüyünü qeyd etdi və çox kövrəldi: «Mən Vaqifin sevimli bacısı olmuşam».
VAQİFİN XASİYYƏTİ MUSİQİSİNƏ HOPMUŞDUHəyatında çox musiqiçilərlə ünsiyyətdə olduğunu deyən Afaq xanım «Vaqif kimi insan görməmişəm. O həm böyük insan, həm də böyük musiqiçi idi. Xasiyyəti musiqisinə hopmuşdu» - deyə vurğuladı.
VAQİF NEFTXUDA NƏVƏSİYMİŞQonağımız Vaqifin hansı nəsildən, kökdən, gəldiyini də danışdı. Zivər xanımın atası Ağasəf Əliyevin Bakının 5 neftxudasından biri olduğunu bildirdi. Ağasəf Əliyevin həyat yoldaşı Sonaxanımı yaxşı xatırladıqlarını, Vaqifin də nənəsini çox sevdiyini vurğuladı. Seyidzadə soyadını daşıyan bu xanım da Bakının tanınmış və zəngin bir ailəsindənmiş. Hətta Mir Möhsün Ağaya qohumluqları çatırmış.
VAQİF HƏM DƏ ÇƏLƏBİ XANIN NƏSLİNDƏN İMİŞAfaq xanım Vaqifin ata tərəfinin şəkili olduğunu bildirdi. Ən maraqlısı, onlar Çələbi xanın nəslindənmişlər.
Vaqif Mustafazadənin pianosu Qonağımızın bildirdiyinə görə, Vaqif ata tərəfini də çox istəyirmiş. Adlı-sanlı Mustafazadələr soyadının təmsilçiləriylə dostluq edirmiş:
«Dünənki yubileydə də iştirak edirdilər».
Vaqifin musiqi qabiliyyətini Üzeyir bəyin tələbəsi olan anasından aldığını bildirən Afaq xanım, atası Əziz bəyin də musiqi ilə bağlı bir adam olduğunu qeyd etdi: «O, hərbi həkim olsa da, tarda və kamanda gözəl çalırmış».
ZİVƏR XANIM ÜZEYİR BƏYİN TƏLƏBƏSİ OLUBGözəl piano çalan Zivər xanım Bakıda ilk muğam dərsi verən müəllim olub. Zivər xanımın hətta ona da (Afaq xanıma) muğam çalmaq öyrətdiyini deyən qonağımız «Vaqif doğuluşundan muğam üstə köklənmişdi» fikrini söylədi.
VAQİF İLK DƏFƏ CAZI «AMERİKANIN SƏSİ» RADİOSUNDAN EŞİDİBVaqif ilk dəfə cazı «Amerikanın səsi» radiosunun yarım saatlıq proqramından dinləməyə başlayıb. «Həmin radio indi muzeyimizdə qorunur. Vaqif cazı bütün qəlbiylə sevdi və muğamla cazın sintezini yaratdı».
ONLAR MƏNİM BIĞIMA BAXIRLAR, ƏLİMƏ YOXAfaq xanım Vaqifin paxıllarından da söz açdı. Onun saçına, geyiminə, hətta bığına irad tutanların olduğunu dedi: «Bütün bunlar Vaqifə pis təsir edirdi. Bir dəfə gülərək mənə demişdi ki, bunlar mənim bığıma baxırlar, əlimə yox».
Vaqif Mustafazadə mənzil muzeyi Onun ölümünə də belə münasibətin səbəb olduğunu bildirən Afaq xanım «Vaqif mərd insan idi. Ona görə də, hər şeyi ürəyinə salırdı. 39 yaşında yox oldu Vaqif...».
- Afaq xanım Əzizə və anası ilə aralarındakı soyuqluğa necə aydınlıq gətirdi?
- Qonağımız Əzizəni necə tanıtdı?
- Zivər xanım nədən Əzizənin həsrətini çəkirdi?
- Vaqifin böyük qızı Lalə indi harda yaşayır?
- Vaqifin baba olduğundan xəbəriniz varmı?
- Vaqifin İçərişəhərdəki, indi muzeyə çevrilmiş evini kim bərpa edib?
- Əzizə və anası Vaqifin mənzil muzeyinə baş çəkdilərmi?
- V.Mustafazadə adına Xeyriyyə Fondu necə yarandı və hansı işləri gerçəkləşdirdi?
Bu sualların cavabını bilmək üçün «Səs» bölümündə «Can Bakı»nı dinləyin.