"Animal farm" ifadəsini "Heyvanıstan" kimi tərcümə etmək düzgündürmü?

Heyvanistani men AZERBAYCAN kimi tercume ederdim

“Heyvanıstan” yaxşı tərcümədi, çünki əsərin mahiyyətinə uyğundu. “Heyvan” ərəbcə, “stan” –farsca olduğundan, bizim türkcəyə tərcümə eləməyə çalışaq.
Ferma heyvanların ümumiləşdirilmiş adı “davar” (mal-qara) olduğunu nəzərə alsaq:
Variant 1- Davarstan yaxud Davarxana – amma hər iki ifadədə fars sözü işlənir.
Variant 2. Davariya (ölkəni bildirən –“iya” sonluğu ilə. Armeniya kimi-:)).
Variant 3. Bir “karvansaray” sözü var. İnsanların müvəqqəti qaldığı yer- qonaq evi. Heyvanlara şamil etsək, “Davarsaray” alınar. “Saray” həm də insanların işlədiyi və vacib qərarlar qəbul etdiyi yerdi (şəhər meriyası kimi-:)). Bu da, əsərin ruhu ilə xeyli uzlaşır.
Vilayət müəllim peşəkar tərcüməçidi. Əminəm ki, əsərin adını tərcümə etməzdən əvvəl yüzlərlə belə variantı saf-çürük eləyib.

FORUM - meydan qenis yerdir: SERISTESIZ VEZIFELI SEXSLERIN VARLIQLARI, ONLARIN TUTDUQLARI VEZIFENIN YOXLUQU DEMEKDIR!

Eseri oxumusam,ad herfi tercume olunmasa da,ugurludur.

Çox bilirdiniz, özünüz tərcümə edərdiniz. Fermanın adı əvvəl Manor Ferması olur. Yəni Mülkədar ferması. Heyvanlar üsyan etdikdən sonra oranın adını qoyurlar Animal farm. Yəni heyvanların ferması. "Heyvanların ferması" isə bədii əsər adı kimi yaxşı səslənmir. Heyvan ferması isə elə ferma deməkdir. İnsan ferması olmayacaqdı ki. Ümumiyyətlə, azərb. dilində heyvan ferması deyilən bir söz yoxdur, ya ferma var ya da heyvandarlıq ferması. Ona görə də "Heyvanıstan" uğurlu tərcümədir.

məncə "Animal Farm" ifadəsini hərfi tərcümə etmək məcburiyyət deyil. "Heyvanların Ferması" və ya sadəcə "Ferma", ən azından əsərin sujet xəttinə uyğun olaraq da bir ad seçmək olardı! "Heyvanıstan" qoymaqla Vilayət bəy ya diqqət cəlb etmək istəyib, ya da peşəkarsızlıq göstərib!

Məncə bu sözü dilimizdə olan"heyvanxana" tam əhatə edərdi,burada həm müəllifin düşündüyü və məkan bildirən şəkilci "stan" elə məkan bildirən "xana" ilə eynidir.

Heyvan ferması heyvanıstandan uğurlu olardı. Amma tam uğurlu yox.

Mencə o qədərdə uğurlu tapıntı deyil, ümumiyyətlə bu sözün əbəbi dilin normasına uyğun qarşılığını tapmaq bir az çətindir. Türk dilində mənc,ə bu daha adekvat tərcümə olunub: "hayvan çiftliği". Ərəbcə, farsca da təqribən eyni ifadədir: مزرعه حیوانات hərfi tərcüməsi "Heyvan tarlası" (fermer təsərrüfatı) "Heyvan ferması" ingiliscə tam qarşılığıdır.

Rus dilində «Скотный двор» в других переводах «Скотское Хозяйство», «Скотский Уголок», «Скотский Хутор», «Ферма животных», «Ферма Энимал», «Зверская Ферма», «Скотоферма». Türk dilində Hayvan Çiftliği.
Yuxarıdakı tərcümələri və əsərdə söhbət müxtəlif fermer təsərrüfatlarındakı heyvanlardan getdiyini nəzərə alsaq bizim dildə heyvanxana və ya heyvan ferması daha doğru səslənər.